Permde turǵyn úıdiń kireberisi opyrylyp, 3 adam japa shekti
ASTANA. QazAqparat - Reseıdiń Perm qalasynda bes qabatty turǵyn úıdiń buryshtaǵy kireberisi opyrylyp, 3 adam zardap shekti, dep habarlaıdy sheteldik BAQ.
TJM óńirlik basqarmasynyń derekterine súıensek, oqıǵa senbige qaraǵan túnde bolǵan. Vedomstvo bolǵan oqıǵa jaıly egjeı-tegjeıli málimet bermedi, tek oqıǵa ornynda izdeý-qutqarý jumystary júrgizilip jatqandyǵy habarlandy.
Bul rette jergilikti BAQ barlyq kireberistegi ishki, syrtqy jamylǵylar qıraǵanyn rastady. Buǵan sebep gazdyń jarylýy bolýy múmkin, kýágerlerdiń aıtýynsha, oqıǵa oryn almas buryn úıdiń burysh jaǵynan qatty dybys estigenderin aıtqan.
Qazir úıden adamdar qaýipsiz jerge kóshirilýde.
