Perızat Qaırattyń isinde zardap shegýshi joq — Advokat

ASTANA. KAZINFORM — Astanada Perızat Qaırat pen anasy Ǵaını Alashbaevanyń ústinen shyǵarylǵan sot úkimine qorǵaýshy tarap túsirgen appelıatsııalyq shaǵym qaralyp jatyr.

Advokat Aslanbek Dáýletııarov Perızat Qaırattyń isin qylmystyq kodeks aıasynda qaraýdyń ózi zańsyzdyq degen ýájin qaıtalady. Onyń sózinshe, qaıyrymdylyqqa baǵyttalǵan aqsha qaıtarymsyz negizde beriletindikten, 51 tulǵany aıyptaý taraby zańsyz jolmen zardap shegýshi retinde tanyǵan. 

Qorǵaýshy buǵan deıingi sot otyrystarynda Perızet Qaırattyń qolynan Almaty jáne Astana qalalarynda páter alǵan eki kýágerdiń ýájin negizge almaǵanyn, al olardyń kýáligi aıyptalýshynyń qaıyrymdylyqqa berilgen aqshany jymqyrmaǵanyn aıǵaqtaıtynyn aıtty.

Al Perızat Qaırattyń anasy Ǵaını Alashbaevanyń shotyna jiberligen aqshalar tikeleı «Biz birgemiz» qorynyń shotynan aýdarylmaǵandyqtan, ony qandaı da bir zańsyz shemaǵa qatysy bar dep aıyptaý zańsyz degen ýáj de aıtyldy.

— Tintý kezi beınelegen vıdeoda Perızat Qaırat iske kýáger tartýdy talap etip, advokatqa habarlasqysy kelgeni kórinip tur. Biraq onyń telefonyn tartyp alǵan. Al qaýlyda telefon tintý kezinde tárkilengen dep kórsetilgen. ıAǵnı, tintý qaýlysyndaǵy málimet beınejazbadaǵy kórinistermen sáıkespeıdi, — dedi Aslanbek Dáýletııarov.

Advokat Perızat Qaırattan tárkilengen qymbat kıimder men áshekeılerdiń orıgınal brend ekenin anyqtaıtyndaı saraptama júrgizilmegenin alǵa tartty. Osylardy negizge alǵan qorǵaýshy sot úkimin negizsiz dep tanýdy surady.

Esik salsaq, shilde aıynda Elorda soty «Biz birgemiz» qaıyrymdylyq qorynyń burynǵy jetekshisi Perızat Qaırat pen onyń anasy Ǵaını Alashbaevaǵa úkim shyǵarǵan edi. Sot úkiminde Perızat Qaıratty 10 jylǵa, anasyn 7 jylǵa bas bostandyǵynan aıyrý jazasy taǵaıyndalǵan. 

Al tamyz aıynda advokat Perızat Qaırat pen onyń anasyn aqtaýdy talap etip, sotqa shaǵym túsirdi.