Perızat Qaırattyń múlki aýktsıonǵa shyǵarylady

ASTANA. KAZINFORM – «Biz birgemiz» qaıyrymdylyq qorynyń burynǵy jetekshisi Perızat Qaırattyń múlki aýktsıon arqyly satylady. Bul týraly Qarjylyq monıtorıng agenttigi tóraǵasynyń orynbasary Jeńis Elemesov aıtty.

- Búginge eshqandaı ózgeris joq, qadaǵalap otyrmyz. Tıisti appelıatsııalyq shaǵym túsken kezde ol jaıynda bilesizder. Sot úkimine sáıkes, sot oryndaýshylary onyń múlkin aýktsıonǵa shyǵaryp satady. Sol qarajat esebinen zardap shegýshilerdiń shyǵyny óteledi, - dedi ol Senattyń jalpy otyrysynan keıin BAQ ókilderiniń saýalyna oraı.

Onyń atap ótýinshe, Qaırat Perızat qor esepshotyna túsken qarajatty ózi ǵana ıgergen. Qor qarajatyn talan-tarajǵa salǵan basqa tulǵalar anyqtalǵan joq.

Aıta keteıik, shilde aıynda elorda soty Perızat Qaıratqa 10 jyl merzimge bas bostandyǵynan aıyrý jazasyn belgiledi. Al anasy Ǵaını Alashbaeva 7 jyl merzimge bas bostandyǵynan aıyryldy.

Perızat Qaırat pen anasyna taǵylǵan aıyptardy myna siltemege ótip, oqı alasyzdar.