Perızat Qaırattyń qoryna jeke shotymnan jarty mıllıon teńge aýdardym — Forte Bank marketıng dırektory

ASTANA. KAZINFORM – Astanada Perızat Qaırat pen anasy Ǵaını Alashbaevaǵa qatysty ótip jatqan sot protsesinde «Forte Bank» AQ-nyń marketıng jónindegi dırektory Anton Kım kýálik berdi.

Bank ókili sý tasqyny kezinde qaıyrymdylyqty nege Perızat Qaırat jetekshilik etken «Biz Birgemiz Qazaqstan 2030» qory arqyly jasaǵanyn túsindirdi.

Anton Kımniń aıtýynsha, ol qarjy aýdarýdyń birneshe nusqasyn qarastyryp, sońynda atalǵan qordy tańdaǵan. Sebebi - 2020 jyly memleket pen Nur Otan (qazirgi AMANAT) partııasynyń bastamasymen qurylǵan «Biz Birgemiz» qory bolǵandyqtan, senim artqan.

Sotta Forte Bank-tiń marketıng dırektory jeke esepshotynan 500 myń teńgeni Kaspi qosymshasy arqyly aýdarǵanyn aıtty. Keıin ol qarajattyń qalaı jumsalǵanyn baqylamaǵan, óıtkeni qorǵa tolyq senim bildirgen.

Sot otyrysynda belgili bolǵandaı6 Perızat Qaırat anasyn ortaǵa salyp, 23 mln teńgege gúl bıznesin satyp alǵan. 

Buǵan deıin «Asar-Úme» qorynyń prezıdenti Ashat Nurmashev kúdikti Perızat Qaıratqa 200 mln teńge aýdarǵanyn aıtty. 

Sondaı-aq tanymal bloger Oljas Sadyq sotta kýálik etý barysynda Perızat Qaıratqa 83,5 mln teńgege aldanǵanyn aıtty. 

Aıta ketsek, Úkimet basshysy Oljas Bektenov Perızat Qaırattyń ústinen qozǵalǵan iske qatysty pikir bildirdi.