Perızat Qaırat jaýap berýden bas tartý quqyǵyn tańdady - Qarjylyq monıtorıng agenttigi

ASTANA. KAZINFORM – Kúdikti Perızat Qaırattyń isi boıynsha materıaldar 100 tomnan asqan. Bul týraly Qarjylyq monıtorıng agenttigi tóraǵasynyń orynbasary Jeńis Elemesov málim etti.

Búgin Senattyń jalpy otyrysynan keıin tilshiler kúdikti Perızat Qaırat tergeý amaldary kezinde ne sebepti jaýap berýden bas tartqanyn surady.

- Kúdikti retinde ol jaýap berýden bas tartý quqy bar. Ol óziniń osy quqyǵyn paıdalanyp, jaýap berýden bas tartty... Onyń birneshe advokaty boldy jáne buǵan deıin olar aýysyp otyrdy. Qazir jańa advokaty qylmystyq istiń materıaldarymen tanysyp jatyr, - dedi J. Elemesov Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, qylmystyq is boıynsha materıaldar 100 tomnan asqan.

Buǵan deıin habarlanǵandaı, Perızat Qaırattyń isin tergeý barysynda keltirilgen shyǵyn 3,5 mlrd teńge somasynda anyqtaldy.

Atalǵan is boıynsha kúdikke Perızattyń anasy da ilikken.