Perızat Qaırat «Shapaǵat» memlekettik nagradasynan aıyrylady

ASTANA. KAZINFORM — Elorda soty «Biz birgemiz» qaıyrymdylyq qorynyń burynǵy jetekshisi Perızat Qaırat pen onyń anasy Ǵaını Alashbaevaǵa úkim shyǵardy. 

— Perızat Qaıratty «Shapaǵat» memlekettik nagradasynan aıyrý týraly usynys engizilsin, — dedi Astana qalasy qylmystyq ister jónindegi aýdanaralyq sotynyń sýdıasy Sabyrjan Kárimov úkimdi oqı turyp.

Sot úkimine sáıkes, jalpy keltirilgen shyǵyn kólemi — 3,5 mlrd teńge.

Sýdıanyń sózinshe, «Biz Birgemiz Qazaqstan 2030» qaıyrymdylyq qorynyń shotyna halyqtan túsken qarajatty sottalýshy Perızat Qaırat pen anasy Ǵaını Alashbaeva jeke shotyna aýdarǵan.

Aıta keteıik, sot úkimimen Perızat Qaırat 10 jylǵa, anasy 7 jylǵa sottaldy. 

Sondaı-aq sot úkimimen Perızat Qaırat pen anasy Ǵaını Alashbaeva jábirlenýshilerdiń shyǵynyn óteýge mindetteldi.