Perızat Qaırat isi: Nazarbaev mektebininiń ata-analary shamamen 1 mln teńge jınap bergen
ASTANA. KAZINFORM — Elordada Perızat Qaırat pen onyń anasyna qatysty sot otyrysynda Biz birgemiz qoryna ártúrli kólemde qarjy aýdaryp, zardap shekken azamattar jaýap berip jatyr.
Búgingi sot otyrysynda jaýap alynǵan kýágerlerdiń biri — elorda turǵyny Sáýle Qýandyqova. Onyń aıtýynsha, 2024 jyly ata-analar jarnamaǵa senip, qaıyrymdylyq sharasyna qatysýǵa sheshim qabyldaǵan.
— 2024 jyly men fızıka-matematıka baǵytyndaǵy Nazarbaev zııatkerlik mektebinde ata-analar komıtetiniń tóraǵasy boldym. Sý tasqyny bolǵanda, zardap shekken jandarǵa kómek retinde qarajat jınaýdy bastadyq. Osylaısha, Biz Birgemiz qorynyń jarnamalyq naýqanyna senip qaldyq. Ata-analar maǵan senim artty. Qarajattyń maqsatsyz jumsalǵanyn eskere otyryp, tolyq jaýapkershilik meniń moınymda bolǵandyqtan, ony óteý de óz mindetim dep sanaımyn. 2024 jylǵy 15 sáýirde biz 901 855 teńge kóleminde qarajat aýdardyq, — dedi Sáýle Qýandyqova sotta jaýap bere turyp.
Buǵan deıin Perızat Qaırat isi boıynsha taǵy bir qurylys kompanııasy qorǵa 200 mln teńge aýdarǵany týraly jazǵan edik.
Keshe ótken sot otyrysynda Forte Bank marketıng dırektory Anton Kım tasqyn kezinde Perızat Qaırattyń qoryna jeke shotymnan jarty mıllıon teńge aýdarǵanyn aıtqan edi.
Sot otyrysynda belgili bolǵandaı Perızat Qaırat anasyn ortaǵa salyp, 23 mln teńgege gúl bıznesin satyp alǵan.
Odan bólek «Asar-Úme» qorynyń prezıdenti Ashat Nurmashev kúdikti Perızat Qaıratqa 200 mln teńge aýdarǵanyn aıtty.
Sondaı-aq tanymal bloger Oljas Sadyq sotta kýálik etý barysynda Perızat Qaıratqa 83,5 mln teńgege aldanǵanyn aıtty.
Aıta ketsek, Úkimet basshysy Oljas Bektenov Perızat Qaırattyń ústinen qozǵalǵan iske qatysty pikir bildirdi.