Perızat Qaırat isi: 47 adam jábirlenýshi dep tanyldy

ASTANA. KAZINFORM – Elordada volonter, qaıyrymdylyq qory jetekshisi Perızat Qaırat pen onyń anasy Ǵaını Alashbaevaǵa qatysty qylmystyq is boıynsha zardap shekken jandardyń sany aıtyldy.

Sot barysynda memlekettik aıyptaýshy (prokýror) Arman Kızıken atalǵan is boıynsha, Biz birgemiz qoryna qarjy aýdarǵan 47 adamnyń jábirlenýshi dep tanylǵanyn málim etti.

Qazir sot qylmystyq iske qatysty dálelderdi, ıaǵnı aıyptaý tarapy sottalýshynyń áleýmettik jelidegi paraqshasyn zerttep jatyr.

Buǵan deıin kúdikti Perızat Qaırat basqarǵan qaıyrymdylyq qoryna Nazarbaev mektebininiń ata-analary shamamen 1 mln teńge jınap bergeni týraly jazǵan bolatynbyz.

Odan bólek Perızat Qaırat jetekshilik etken qorǵa taǵy bir qurylys kompanııasy qorǵa 200 mln teńge aýdarǵan. 

Keshe ótken sot otyrysynda Forte Bank marketıng dırektory Anton Kım tasqyn kezinde Perızat Qaırattyń qoryna jeke shotymnan jarty mıllıon teńge aýdarǵanyn aıtqan edi. 

Sot otyrysynda belgili bolǵandaı Perızat Qaırat anasyn ortaǵa salyp, 23 mln teńgege gúl bıznesin satyp alǵan. 

Odan bólek «Asar-Úme» qorynyń prezıdenti Ashat Nurmashev kúdikti Perızat Qaıratqa 200 mln teńge aýdarǵanyn aıtty. 

Sondaı-aq tanymal bloger Oljas Sadyq sotta kýálik etý barysynda Perızat Qaıratqa 83,5 mln teńgege aldanǵanyn aıtty. 

Aıta ketsek, Úkimet basshysy Oljas Bektenov Perızat Qaırattyń ústinen qozǵalǵan iske qatysty pikir bildirdi.