Perızat Qaırat pen Ǵaını Alashbaevanyń sózi jabyq rejımde tyńdalmaq

ASTANA. KAZINFORM — Astana sotynda «Birgemiz» qaıyrymdylyq qorynyń burynǵy jetekshisi, volonter Perızat Qaırat pen onyń anasy Ǵaını Alashbaevanyń jáne olardyń advokatynyń sózi jabyq rejımde tyńdalatyn boldy. 

Іs boıynsha sýdıa Sabyrjan Kárimovtyń habarlaýynsha, otyrys búgin saǵat 15:00–de jabyq rejımde jalǵasady. Onda aıyptalýshylar men olardyń qorǵaýshysynyń sózderi tyńdalmaq.

Aıta keteıik, búgin tańerteń sotta jábirlenýshiler men olardyń ókilderinen jaýap alyndy jáne pikirleri tyńdaldy.

Jábirlenýshiler Ǵaını Alashbaevanyń jasy men aýrýyna baılanysty jazasyn jeńildetýge qarsy shyqty.

Buǵan deıin prokýrorlar Perızat Qaıratqa — 10 jyl bas bostandyǵynan aıyrý, Ǵanı Alashbaevaǵa 8 jyl bas bostandyǵynan aıyrý jazasyn suraǵan edi.

Eske sala ketsek, Perızat Qaırat daıyn dıplom satyp alǵysy kelgen áreketi týraly jazǵan edik. 

Sondaı-aq kýáger Perızat Qaırat qor qarjysyn qalaı qolma-qol aqshaǵa aýdarǵanyn aıtyp berdi. 

Sot barysynda áıgili ánshi, otandasymyz Dımash Qudaıbergenniń esimi ataldy.

Belgili bolǵandaı tasqyn kezinde Nazarbaev zııatkerlik mektebiniń qyzmetkerleri 2,9 mln teńge joldaǵan. 

Іsti qaraý kezinde Perızat Qaırat jetekshilik etken qorǵa qarjy aýdarǵan 47 adam jábirlenýshi dep tanyldy.