Perızat Qaırat: maǵan taǵylǵan negizsiz aıyptardy moıyndamaımyn

ASTANA. KAZINFORM — Eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaırat pen onyń anasy Ǵaını Alashbaeva ústinen qozǵalǵan qylmystyq is boıynsha aıyptaýlardy moıyndamaı otyr.

— Qurmetti sýdıa, men aıyptaý aktisimen kelispeımin. Maǵan taǵylǵan negizsiz aıyptardy moıyndamaımyn. Keıin barlyq dálel arqyly ózimdi qorǵaımyn, — dep qysqa qaıyrdy Perızat Qaırat.

Sonymen qatar Perızat Qaırattyń anasy Ǵaını Alashbaeva da taǵylǵan aıyptarmen kelispeı otyr.

Sot otyrysy jalǵasyp jatyr. 

Buǵan deıin memlekettik aıyptaýshy Perızat Qaırat pen onyń anasyna taǵylǵan aıyptardy tizbektep shyqty. 

Aıta ketsek, buǵan deıin de Perızat Qaırat ózine taǵylǵan aıyptarmen kelispedi. 

Sondaı-aq Perızat Qaırat tergeý ızolıatory qyzmetkerlerinen jábir kórgenin aıtqan edi. Artynsha elorda polıtsııasy tergeý ızolıatorynda bolǵan jaıttyń vıdeosyn kórsetti. 

Belgili bolǵandaı Perızat Qaırattyń soty ishinara jabyq ótedi. 

Buǵan deıin elordada Perızat Qaırattyń isine qatysty aldyn ala sot otyrysy ótti. 

Bıyl 30 maýsymda Perızat Qaırattyń isi sotqa jiberildi.

Eske salaıyq, eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty tergeý júrgizilip jatqany 2024 jyly 14 qarashada belgili boldy.