Perızat Qaırat eki aı qamaýǵa alyndy – elorda soty
ASTANA. KAZINFORM – Eriktiler qozǵalysynyń belsendisi Perızat Qaırat sot sanktsııasymen eki aı merzimge qamaýǵa alyndy. Bul týraly Astana qalalyq sotynyń baspasóz qyzmeti habarlaıdy.
«2024 jylǵy 15 qarashada sotqa tergeý organdarynyń kúdikti Perızat Qaıratqa qatysty 2 aıǵa deıingi merzimge qamaýda ustaý túrindegi bultartpaý sharasyn sanktsııalaý týraly ótinishi kelip tústi. Astana qalasynyń mamandandyrylǵan aýdanaralyq tergeý sotynyń 2024 jylǵy 16 qarashadaǵy qaýlysymen kúdikti Perızat Qaıratqa qatysty qamaýda ustaý túrindegi bultartpaý sharasyn sanktsııalaý týraly ótinish qanaǵattandyryldy», - delingen habarlamada.
QR Qylmystyq-protsestik kodeksiniń 201-babyna sáıkes ózge derekter jarııalanýǵa jatpaıdy.
Buǵan deıin Perızat Qaırat Palestına turǵyndaryna gýmanıtarlyq kómek kórsetý úshin qarajat jınaýdy uıymdastyrǵany týraly habarlaǵan edik. Bul epızod boıynsha Perızat Qaırat 200 mln teńgeden asa qarajatty jymqyrdy dep kúdiktelýde. Tergeý jalǵasýda.
Aıta ketsek, eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty tergeý júrgizilip jatqany 14 qarashada belgili boldy.
Sondaı-aq, Perızat Qaırat parasport federatsııasyndaǵy qyzmetinen alyndy.
