Perızat Qaırat daıyn dıplom satyp alǵysy kelgen be

ASTANA. KAZINFORM – Astanada qaıyrymdylyq qordyń burynǵy jetekshisi, volonter Perızat Qaırat pen onyń anasy Ǵaını Alashbaevaǵa qatysty sot otyrysynda kýágerlerden jaýap protsesi jalǵasyp jatyr.  

Sot otyrysynda kýáger Tolǵanaı Boranqulovadan jaýap alyndy. Prokýror Mádına Orazalına sottalýshy Perızat Qaırattyń uıaly telefonyndaǵy (2023 jylǵy 18 mamyrdaǵy) hat almasýdy oqyp berdi. Memlekettik aıyptaýshynyń málimdeýinshe, Perızat Qaırat tanysymen hat almasý barysynda qazaqstandyq dıplomdy alý múmkindigi týraly surastyrǵan.

– Qazaqstan dıplomyn «jasatyp alýǵa» kómektesetin tanystaryń bar ma? – dep oqydy prokýror Tolǵanaı Boranqulovaǵa jiberilgen habarlamany.

Kýáger óz kezeginde hat almasýdyń shynaıylyǵyn rastady.

- Meniń oıymsha, sol ýaqytta ol bir mınıstrdiń kómekshisi bolyp jumysqa ornalasyp jatyr edi, - dep tolyqtyrdy T. Boranqulova.

Onyń aıtýynsha, kúdikti Perızat Qaıratpen dostyq qarym-qatynasta bolǵan.

Buǵan deıin Perızat Qaırat qor qarjysyn qalaı qolma-qol aqshaǵa aýdarǵany týraly jazǵan edik. 

Sot barysynda áıgili ánshi, otandasymyz Dımash Qudaıbergenniń esimi ataldy. 

Belgili bolǵandaı tasqyn kezinde Nazarbaev zııatkerlik mektebiniń qyzmetkerleri 2,9 mln teńge joldaǵan. 

Іsti qaraý kezinde Perızat Qaırat jetekshilik etken qorǵa qarjy aýdarǵan 47 adam jábirlenýshi dep tanyldy.