Peres QR men Izraıl baılanysynyń nyǵaıýyna mol úles qosty - elshi Brodskıı

ASTANA. QazAqparat - Izraıl memleketiniń Qazaqstan Respýblıkasyndaǵy Tótenshe jáne Ókiletti Elshisi Mıhael Brodskıı 93 jasynda qaza tapqan Izraıldiń eks-prezıdenti, Nobel syılyǵynyń laýreaty Shımon Perestiń Qazaqstan men Izraıl arasyndaǵy qarym-qatynasty nyǵaıtý jolyndaǵy úlesin aıtty.

Shımon Peres túrli vedomstvolarda mınıstr laýazymynda boldy. Onyń karerasy 70 jylǵa jalǵasty. 1994 jyly «Taıaý Shyǵystaǵy beıbitshilikke qol jetkizý úshin jasaǵan talpynystary úshin» Nobel syılyǵyna ıe boldy.  

«Shımon Perestiń baqılyq bolýymen Izraıl tarıhynyń bir kezeńi aıaqtalady. Onyń qatysýynsyz bolǵan tarıhta esh mańyzdy qubylys,  jetistik joq.  

Shımon Peres Izraıl qaýipsizdigin nyǵaıtýǵa jáne onyń halyqaralyq baılanystaryn damytýǵa, sonyń ishinde Izraıl men Qazaqstan arasyndaǵy qarym-qatynasty nyǵaıtýǵa zor úles qosty. Astanada birneshe ret bolǵan jáne Prezıdent Nazarbaevpen dostyq qarym-qatynasta boldy.

Izraıldegi jáne odan tys jerdegi adamdardyń kópshiligi úshin Shımon Peres úlgi boldy. Ol kóripkeldigimen, óz eline degen shynaıy qamqorlyǵymen, ómiriniń sońǵy mınýttaryna deıin ómirge degen qyzyǵýshylyǵy jáne qulshynysymen este qalady», - degen Brodskııdiń sózderin elshiniń baspasóz qyzmeti  keltirdi.