Pepsi men Coca-Cola sýsyndaryn satýdan bas tartýda
ASTANA. QazAqparat - Gaza sektoryndaǵy beıbit turǵyndardy aıaýsyz qyrǵynǵa ushyratyp otyrǵany úshin Úndistan meıramhanalary men qonaqúıleri amerıkalyq sýsyndardy satýdan bas tartý týraly sheshim qabyldady.
AQSh Izraıldiń Palestına halqyna áskerı shabýyldaryna qoldaý bildirip otyrǵandyqtan, kóptegen elder AQSh pen Izraıl taýarlarynan bas tarta bastady.
Úndistannyń iri kásiptik qalasy Mýmbaıdaǵy myńdaǵan qoǵamdyq tamaqtandyrý oryndary Pepsi, Coca-Cola tárizdi sýsyndardy satylymnan alyp tastady, dep habarlanǵan «Nur Astana» ortalyq meshitiniń resmı saıtynda.
Mýmbaıdaǵy «Shalimar» meıramhanasynyń ıesi kásipker Ýmar Sheıh «bizdiń qolymyzdan keleri osy» dese, «Persian Darbar» qonaqúıiniń qojaıyny Djavıl Kotval: «Biz zorlyq-zombylyqtan aýlaq bolýǵa úndegen Mahatma Gandıdiń prıntsıpin ustanamyz» deıdi.
