Pepsi men Coca-Cola sýsyn shyǵarýda qaýipti stabılızatordy qoldanýdy toqtatady
ASTANA. QazAqparat - PepsiCo kompanııasy óziniń basty básekelesi Coca-Cola-nyń izimen densaýlyqqa qaýipti taǵamdyq E443 stabılızatoryn sýsyndardy daıyndaýda qoldanýdan bas tartady.
Bul týraly olardyń ókilderi habarlady. Osyǵan deıin atalǵan ıngredıentti qoldanýdy toqtatynyn Coca-Cola korporatsııasy málimdegen bolatyn, dep habarlady ITAR-TASS.
Stabılızatorǵa tyıym salýǵa baılanysty qoǵamdyq shara AQSh-ta 2012 jyly bastalǵan. Osy ıngredıentti paıdalanýǵa qarsylyq bildirgender Azyq-túlik pen dári-dármekterdiń sapasy boıynsha basqarmanyń 1970 jyly ony tek ýaqytsha paıdalanýǵa bolatyn tizimge engizgenin alǵa tartyp otyr. Olardyń aıtýyna qaraǵanda, osy zattyń qaýipsizdigine baılanysty zertteýler sol qalpy júrgizilgen joq.
E443 stabılızatoryn paıdalanýǵa Japonııa men EO elderinde tyıym salynǵan.
Pepsi kompanııasy stabılızatordy paıdalanýdy qashan toqtatatynyn áli naqtylaǵan joq.
