Pentagonǵa áskerı bıýdjetti qysqartý týraly buıryq berildi

ASTANA. KAZINFORM — AQSh qorǵanys mınıstri Pıt Hegset Pentagon men armııanyń joǵary laýazymdy sheneýnikterine bıýdjetti qysqartý josparyn ázirleýdi buıyrdy, dep habarlaıdy VVS. 

Bul týraly resmı tulǵalarǵa silteme jasap Washington Post gazeti jazdy. 

Tilshiler tanysqan qujatqa sáıkes, jospar aldaǵy bes jylda qorǵanys bıýdjetin jyl saıyn 8 paıyzǵa qysqartýdy kózdep otyr.

Jospar 24 aqpanǵa deıin daıyn bolýy kerek. Pentagon basshysynyń memorandýmynda Tramp ákimshiligi joıǵysy keletin 17 sanat kórsetilgen. 

— Olardyń arasynda AQSh-tyń ońtústik shekarasyndaǵy operatsııalar, ıadrolyq qarý men zymyranǵa qarsy qorǵanysty jańǵyrtý, sondaı-aq súńgýir qaıyqtar, shabýyldaýshy ushqyshsyz ushaqtar jáne basqa da oq-dárilerdi satyp alý bar, — dep jazdy WP.

Pentagonnyń 2025 jylǵa arnalǵan bıýdjeti shamamen 850 mlrd dollardy quraıdy, dep eske salady basylym.

Osyǵan deıin Tramp Maskqa Pentagonnyń shyǵyndaryn tekserýdi buıyrǵanyn jazdyq.