Pentagon JI damytýǵa 200 mıllıon dollar bóldi
ASTANA. KAZINFORM — AQSh Qorǵanys mınıstrligi Anthropic, Google, OpenAI jáne xAI kompanııalarynyń jasandy ıntellektti (JI) damytýyna 200 mıllıon dollardyń kelisimshartyn usynǵanyn málimdedi, dep habarlaıdy NBC News.
Qorǵanys departamentiniń bas tsıfrlyq jáne jasandy ıntellekt basqarmasy qarjylandyrý «ulttyq qaýipsizdiktiń mańyzdy máselelerin sheshý úshin keńeıtilgen JI múmkindikterin» engizýdi jedeldetýge kómektesetinin aıtty.
Buǵan deıin OpenAI 2024 jyly eldiń Qorǵanys mınıstrliginen 200 mıllıon dollarǵa bir jyldyq kelisimshart aldy, ol «ulttyq qaýipsizdik mıssııalary» úshin ozyq JI júıesin ornalastyrýǵa baǵyttalǵan.
Maýsym aıynda kompanııa Amerıka Qurama Shtattaryndaǵy federaldy, shtattyq jáne jergilikti basqarý organdarynyń qyzmetkerleri úshin «Úkimettik OpenAI» baǵdarlamasyn iske qosty.
Ilon Masktyń xAI kompanııasy dúısenbide AQSh úkimetiniń klıentteri úshin qol etimdi ónimder jıyntyǵyn jarııalady.
Buǵan deıin Ilon Mask Trampty Epshteınge qatysty qujattardy jarııalaýǵa shaqyrdy.