Pentagon Vashıngtondaǵy ulttyq gvardııa sarbazdaryn tolyq qarýlandyrdy

ASTANA. KAZINFORM — AQSh Qorǵanys mınıstrligi Vashıngtonda qyzmet atqaryp jatqan Ulttyq gvardııanyń barlyq áskerı qyzmetkerleri tolyqtaı qarýmen qamtamasyz etilgenin habarlady, dep jazady Anadolu Ajansı.

Pentagonnyń resmı ókili Kıngslı Ýılsonnyń aıtýynsha, qarýlanǵan gvardııashylardyń bir bóligi astana kóshelerinde polıtsııamen birlesip patrýldeýge tartylǵan.

Ýılsonnyń málimetinshe, Kolýmbııa okrýginiń Birikken operatıvtik toby (Joint Task Force-DC) quramynda qaýipsizdikti qamtamasyz etý mindetin 2200-den astam ulttyq gvardııa áskerı qyzmetkeri oryndap jatyr. Taǵy 500 sarbaz jolda kele jatyr jáne jaqyn kúnderi Vashıngtonǵa jetedi dep josparlanǵan.

«Biz óz qalalarymyzdyń qaýipsizdigin qamtamasyz etýge berik beıildimiz», - dedi Qorǵanys mınıstrliginiń ókili.

Pentagonnyń mundaı sheshim qabyldaýyna Aq úı mańyndaǵy atys oqıǵasy sebep boldy. Oqıǵa kezinde eki gvardııashy qaza tapqan.

Eske salaıyq, 26 qazanda túski ýaqytta Aq úı mańyndaǵy Farragýt alańynda belgisiz er adam kezekshilik atqaryp turǵan ulttyq gvardııa sarbazdaryna oq jaýdyrǵan. Birneshe áskerı alǵan jaraqattarynan kóz jumdy. Osy oqıǵadan keıin Donald Tramp úshinshi álem elderinen AQSh-qa kóshi-qondy tolyq toqtatatynyn málimdegen edi.