Pentagon: Taıaý Shyǵysta qaza tapqan AQSh áskerı qyzmetkerleriniń sany jeteýge jetti
ASTANA. KAZINFORM — AQSh-tyń Iranǵa qarsy operatsııasy bastalǵaly beri qaza tapqan amerıkalyq áskerıler sany jeteýge jetti. Qaza tapqan áskerı qyzmetker Saýd Arabııasynda ornalasqan bólimshege qarasty bolǵan. Bul týraly AQSh Qarýly kúshteriniń Ortalyq qolbasshylyǵy — CENTCOM málimdedi.
— Ótken túni AQSh áskerı qyzmetkeri Irannyń alǵashqy jaýap soqqylary nátıjesinde alǵan jaraqattarynan qaıtys boldy, — dep habarlady qolbasshylyq X áleýmettik jelisinde. — Bul «Epıkalyq qahar» operatsııasy barysynda urys kezinde qaza tapqan jetinshi amerıkalyq áskerı qyzmetker.
Málimetke sáıkes, qaza tapqan áskerı qyzmetker Saýd Arabııasynda ornalasqan bólimshege qaraǵan jáne ol 1 naýryz kúni aýyr jaraqat alǵan.
Buǵan deıinIrannyń Sarapshylar keńesi jańa rýhanı kósemdi saılaǵany habarlandy. Bul qyzmetke 56 jastaǵy Seıed Modjtaba Hameneı — Irannyń burynǵy joǵarǵy jetekshisi Alı Hameneıdiń ekinshi uly taǵaıyndaldy.
Jańa basshyny tańdaý Iran tóńiregindegi jalǵasyp jatqan áskerı qarsylastyq jaǵdaıynda ótti. 26 aqpan kúni AQSh Taıaý Shyǵysqa 300-den astam áskerı ushaǵyn ornalastyrdy.
Qaqtyǵys 28 aqpanda AQSh pen Izraıldiń Iran Islam respýblıkasynyń aýmaǵyna soqqy jasaýymen bastaldy.
Alı Hameneı qaza tapqannan keıin Iranda bılikti tapsyrý rásimi iske qosyldy.
