Pentagon Sırııa úshin Reseıge «kókesin kórsetedi»
ASTANA. 14 naýryz. QazAqparat - Amerıka senatorlary Pentagonǵa Reseıden 900 mln dollarǵa Mı-17 tikushaqtaryn satyp alý týraly kelisim-shartyn qaıta qaraýǵa usynys jasap otyr, dep habarlaıdy RIA Novostı.
Olardy bul qadamǵa ıtermelegen Reseıdiń Sırııaǵa qarý-jaraq jetkizýin toqtatpaı otyrǵandyǵy sebep bolǵan kórinedi.
«Biz AQSh Qorǵanys mınıstrligi men memlekettiń baqylaýyndaǵy Reseıqorǵanyseksporty kompanııasynyń arasyndaǵy kelisimge qatysty alańdaýshylyq bildiremiz. Óıtkeni atalmysh kompanııa óz halqyna qarsy oq atyp otyrǵan Bashar Asadtyń rejımimen baılanysyn úzbeı otyr», - delingen Pentagon basshylyǵyna arnalǵan senatorlardyń hatynda.
Senatorlardyń derekteri boıynsha, Reseı Sırııadaǵy qaqtyǵystar bastalǵan soń atalmysh elge bir mıllıard dollar kóleminde qarý-jaraq jetkizgen. Sondaı-aq, «salyq tóleýshilerdiń aqshasy aýǵandyq áskerılerge amerıkandyq ónimderdi emes, reseılik tikushaqtardy satyp alýǵa jumsalǵany bylaı tursyn, úkimettiń kóp jyldar boıy Iranǵa kómekteskeni úshin sanktsııalarǵa ushyraǵan, al endi Asadqa qarý-jaraq jiberip otyrǵan uıymmen shart jasasýy bizdiń ashýymyzǵa tıedi» - deıdi olar.
