Pentagon NLO-ǵa qatysty jańa qujattardy jarııalady
ASTANA. KAZINFORM — war.gov/UFO/ saıtynda jarııalanǵan materıaldar qatarynda ondaǵan beınejazba men sýretter, sondaı-aq kýágerlerdiń málimdemeleri bar, Anadolu agenttigi.
AQSh Qorǵanys mınıstrligi (Pentagon) «anyqtalmaǵan ushatyn nysandarǵa» (UFO) jáne «anyqtalmaǵan áýe qubylystaryna» (UAP) qatysty beınematerıaldar, sýretter men kýágerlerdiń málimdemelerin qamtıtyn jańa qujattardy jarııa etti.
Amerıkalyq BAQ-tyń habarlaýynsha, Pentagon bul qujattar toptamasyn AQSh prezıdenti Donald Tramptyń tapsyrmasymen UFO jáne UAP-qa qatysty materıaldardy qupııasyzdandyrý jáne jarııalaý protsesi bastalǵannan keıin usynǵan.
war.gov/UFO/ saıtynda qoljetimdi materıaldar arasynda ondaǵan beınejazba men sýretter, sondaı-aq azamattyq tulǵalar men áskerı qyzmetkerlerdiń kýálikteri, tergeý jazbalary jáne resmı esepter jarııalanǵan.
Jarııalanǵan beınelerdiń birinde 2019 jyly AQSh Qarýly kúshteriniń Ortalyq qolbasshylyǵynyń (CENTCOM) jaýapkershilik aımaǵynda áreket etken amerıkalyq áskerı platformanyń ınfraqyzyl sensory arqyly túsirilgen Parsy shyǵanaǵy ústindegi úsh nysan kórsetilgen.
2022 jylǵa tıesili taǵy bir beınejazbada Iran jaǵalaýy mańynda kemelerdiń janynan ushyp ótken tórt anyqtalmaǵan nysan beınelengen.
UFO jáne UAP jónindegi qujattardyń alǵashqy toptamasy Pentagon tarapynan 8 mamyrda jarııalanǵan bolatyn. Osydan keıin Pentagon saıtyna bir mıllıardtan astam adam kirgen.
Eske sala keteıik, AQSh prezıdenti Donald Tramp vedomstvolarǵa «ózgeǵalamsharlyq jáne jerden tys tirshilikke» qatysty qujattardy jarııalaýdy tapsyrǵan edi.
