Pentagon mobıldi jańa býyn ıadrolyq reaktoryn synaqtan ótkizbek
ASTANA. KAZINFORM – Washington Times basylymynyń habarlaýynsha, Pentagon áskerı nysandardy senimdi energııamen qamtamasyz etý úshin jańa býyndaǵy mobıldi ıadrolyq reaktordy áýe arqyly jetkizdi.
Jeksenbi kúni amerıkalyq C-17 ushaǵy Valar Atomics kompanııasynyń janarmaımen toltyrylmaǵan mobıldi reaktoryn Kalıfornııadaǵy March Air Reserve Base rezervtik avıabazasynan ıÝta shtatyndaǵy Hill Air Force Base avıabazasyna tasymaldady.
Pentagon shaǵyn mobıldi reaktorlardy jergilikti elektr jelilerine táýelsiz, senimdi energııa óndirý úshin paıdalanýdy josparlap otyr. Mundaı jeliler qaqtyǵys kezinde isten shyǵýy nemese shabýyl nysanasyna aınalýy múmkin.
Ótken jyldyń mamyr aıynda Donald Tramp «ıadrolyq jańǵyrý» josparlaryn jarııalap, 2050 jylǵa qaraı eldegi elektr energııasyn óndirý kólemin tórt ese arttyrýdy, sonyń ishinde jalpy qýaty 300 gıgavatt bolatyn jańa elektr stantsııalaryn salýdy kózdeıtinin málimdegen. Bir gıgavatt qýat shamamen 750 myń úıdi elektr energııasymen qamtamasyz ete alady.
Buǵan deıin Amazon óziniń alǵashqy atom elektr stantsııasynyń jobasyn tanystyrǵany habarlanǵan bolatyn.
