Pentagon men Boeing quny 7 mlrd dollardan asatyn kelisimshartqa qol qoıdy

ASTANA. KAZINFORM — Pentagon AQSh qarýly kúshteri Boeing kompanııasymen 7 mıllıard dollardan astam somany quraıtyn eki kelisimshartqa qol qoıǵanyn habarlady, dep habarlaıdy Kazinform agenttiginiń menshikti tilshisi The Economic Times basylymyna silteme jasap.

Pentagonnyń málimeti boıynsha, ásker jańa Apache AH-64E shabýyl tikushaqtaryn, Longbow ekıpajdaryn oqytatyn trenajerlerdi jáne qosymsha jabdyqtardy jetkizý úshin shamamen 4,7 mıllıard dollar turatyn kelisimshartty bekitken.

Sondaı-aq, Áýe kúshterimen 12 G081 serııaly ushaqty jetkizý jáne olardyń lıtsenzııasyn berý boıynsha 2,4 mıllıard dollar kóleminde qosymsha kelisimshart jasalǵany habarlandy.

Buǵan deıin Air Astana áýe kompanııasy men Boeing kompanııasy Qazaqstannyń áýe kompanııasynyń uzaq qashyqtyqqa arnalǵan flotyn jańartý jáne keńeıtý jóninde 18 Boeing 787-9 ushaǵyn qamtıtyn kelisimdi jasasqany habarlanǵan edi.