Pentagon Meksıka shekarasyna 3 myńǵa jýyq ásker jiberedi
ASTANA. KAZINFORM — Úsh myńǵa jýyq sarbazdan turatyn qosymsha kontıngent zańsyz kóshi-qon jáne esirtki tasymalymen kúresý úshin AQSh-Meksıka shekarasyndaǵy baqylaýdy kúsheıtedi, dep habarlaıdy NBC News.
AQSh-tyń Soltústik qolbasshylyǵynyń málimetinshe, 2400 sarbazdan turatyn brıgadanyń jaýyngerlik komandasy kóliktik jáne ınjenerlik qoldaý kórsetedi. Sonymen qatar, jeke quram, tehnıka jáne júk tasymaldaýǵa kómektesý úshin shekaraǵa jaýyngerlik avıatsııa brıgadasynyń 500 qyzmetkeri jiberiledi.
Jańa kúshter aldaǵy aptalarda ońtústik shekarada turǵan shamamen 9 200 AQSh áskerin nyǵaıtady jáne shekaradaǵy qaýipsizdik operatsııalaryn kúsheıtedi.
Prezıdent Donald Tramp Meksıkamen shekarany jabý jáne AQSh-qa zańsyz mıgranttardyń kelýine jol bermeýge áskerılerdiń rólin keńeıtýge ýáde berdi.
Buǵan deıin AQSh bıligi 119 zańsyz mıgrantty Panamaǵa, 135 adamdy Kosta-Rıkaǵa deportatsııalaǵany habarlanǵan bolatyn.