Pentagon Los-Andjelestegi Ulttyq gvardııanyń bir bóligin qaıtarady

ASTANA. KAZINFORM — AQSh Qorǵanys mınıstrligi (Pentagon) Los-Andjeleste zańsyz mıgranttardy qoldaǵan narazylyqtardy basý úshin jiberilgen Ulttyq gvardııanyń bir bóligin keri qaıtarý týraly buıryq berdi.

Pentagonnyń baspasóz hatshysy Shon Parnell jazbasha málimdemesinde «mindet sátti oryndalǵanyna baılanysty» Prezıdent Donald Tramptyń buıryǵymen Los-Andjeleske jiberilgen shamamen 4 myń gvardııalyqtyń 2 myńy turaqty qyzmet oryndaryna qaıtarylatynyn habarlady.

AQSh Qorǵanys mınıstri Pıt Hegset Ulttyq gvardııa men teńiz jaıaý áskerleri aımaqta Immıgratsııa jáne keden polıtsııasy (ICE) qyzmetkerleriniń qaýipsizdigin qamtamasyz etý úshin jiberilgenin málimdedi.

Los-Andjelestegi ICE-ge qarsy narazylyqtar

AQSh-tyń Los-Andjeles qalasynda zańsyz mıgranttardy ustap jatqan ICE-ge qoldaý bildiretin narazylyq sharalary kezinde kóptegen adam ustaldy; keı kezderi narazylar men qaýipsizdik kúshteri arasynda qaqtyǵystar da boldy.

Prezıdent Donald Tramp jaǵdaıdy baqylaýǵa alý úshin Ulttyq gvardııany Los-Andjeleske jibergenin málimdep, bolǵan oqıǵalar úshin jergilikti demokratııalyq bılikti aıyptady.

AQSh Qorǵanys mınıstrligi Tramptyń buıryǵymen aımaqqa ornalastyrý úshin 4 myń Ulttyq gvardııa sarbazyn mobılızatsııalady, al mınıstr Hegset «qıyn jaǵdaılarǵa baılanysty» Los-Andjeleske tártipti qamtamasyz etý úshin shamamen 700 teńiz jaıaý áskerin qosymsha jibergenin aıtty.

Kalıfornııa gýbernatory Gevın Nıýsom Trampty ókiletin asyra paıdalandy dep aıyptap, prezıdenttiń Ulttyq gvardııany shtat bıliginiń quzyry bolǵandyqtan qoldanýǵa aralasqany týraly aıtty.

Budan buryn Los-Anjelestegi narazylyqtar sońy jappaı tonaýǵa, vandalızm men tutqyndaýǵa ulasqanyn jazǵanbyz.