Pentagon Qytaı úkimetin kıbertyńshylyq júrgizdi dep aıyptady
ASTANA. 8 mamyr. QazAqparat - AQSh-tyń Syrtqy ister mınıstrligi alǵash ret ashyq túrde qytaılyq áskerıler men úkimetti kıbertyńshylyq turǵysynda aıyptady.
«2012 jyly kóptegen kompıýterlik júıeler, onyń ishinde AQSh úkimeti qaramaǵyndaǵy jeliler shabýylǵa ushyrady. Olardyń keıbirine Qytaıdyń úkimeti men áskerıleriniń tikeleı qatysy bar»,-delingen Pentagonnyń jyl saıynǵy baıandamasynda.
Tyńshylyq shabýyldar AQSh-tyń ekonomıka, qorǵanys jáne dıplomatııadaǵy málimetterin ıelenýge baǵyttalǵan kórinedi. Bul óz kezeginde qytaılyq áskerıler tarapynan jeke qorǵanystaryn kúsheıtýge paıdalanýǵa múmkin bolar edi.
Budan buryn hakerlik shabýyldarǵa qytaılyq áskerılerdiń qatysy jóninde kıberqaýipsizdik salasyndaǵy zertteýmen aınalysatyn amerıkalyq Mandiant kompanııasy málimdegen bolatyn. Qytaı osy tektes aıyptaýlardy árqashan da joqqa shyǵaryp, kerisinshe, ózderi hakerlik shabýyldardyń qurbany ekenin atap ótýde.
Pentagon baıandamasynda Qytaıdyń qorǵanys pen qarýly kúshterdi jańǵyrtý baǵdarlamasynda shyǵystardyń ashyqtyǵy joq ekenine nazar aýdarylyp otyr.
