Pentagon qupııa aqparattyń taraǵanyn joqqa shyǵardy

ASTANA. KAZINFORM – Pentagonnyń baspasóz hatshysy Shon Parnell The New York Times aqparat kózderiniń Pıt Hegsettiń Signal toptyq chatyna qupııa aqparatty jibergeni týraly málimetterin joqqa shyǵardy, dep habarlaıdy Kazinform.

- Feık habarlar taratyp júrgen The New York Times pen ózge de BAQ búgingi jaǵdaıǵa kóńili tolmaıtyn burynǵy qyzmetkerlerdiń shaǵymdaryn ózderiniń maqalalaryna jalǵyz aqparat kózi retinde paıdalanady. Osy aptada kóptegen qyzmetshi jumysynan bosatyldy. Osyǵan qaraı olar mınıstrliktiń jumysyna narazy jáne ony múmkindiginshe joqqa shyǵarýǵa tyrysatyny túsinikti. BAQ bolsa solardyń oı-pikirlerin paıdalanyp aqparat taratady,- dep jazdy Shon Parnell H áleýmettik delisinde.

Onyń aıtýynsha, Signal chattarynyń eshqaısysynda qupııa aqparat bolǵan joq.

Buǵan deıin New York Times tórt adamǵa silteme jasaı otyryp, AQSh qorǵanys mınıstri Pıt Hegsettiń jubaıy men aǵalary kiretin Signal shıfrlanǵan toptyq chatyna Iemendegi soqqylar týraly qupııa aqparatty jibergenin habarlady.