Pentagon: Iraktaǵy lańkestikter áskerdiń shyǵarylý kestesine áser etpeıdi
ASTANA. Naýryzdyń 4-i. QazAqparat - Iraktyń qaýipsizdik salasyndaǵy jaǵdaıdyń tek «kúrt ýshyǵýy ǵana» amerıkandyq áskerlerdiń elden shyǵarylýyn baıaýlata alady.
Bul týraly Pentagonnyń baspasóz hatshysy Djeff Morrell jýrnalısterge málim etti, dep habarlaıdy ITAR-TASS agenttigi.
Onyń aıtýynsha, sársenbi kúni Baǵdadtan 60 shaqyrymdaı jerdegi Baakýba qalasynda bolǵan jarylys, Iraktaǵy basqa da lańkestik áreketter sııaqty amerıkandyq jaýyngerlerdiń úılerine oralý kestesine áser etpeıdi. «Ol áreketter saılaýaldy úderisine de kedergi bola almaıdy, úkimettiń turaqsyzdyǵyna da áser etpeıdi», - deıdi nyq senimmen Morrell myrza.
Naýryzdyń 7-si kúni Irakta parlamenttik saılaý ótýi kerek. Degenmen, Obama ákimshiligi, saılaýdan keıin elde konfessııaaralyq qaqtyǵystardyń jańa oshaqtarynyń tutaný múmkindigine alańdaýshylyq bildirýde.
