Pentagon hakerlerden ózine shabýyl jasaýyn surap otyr
ASTANA. QazAqparat - Amerıkanyń Qorǵanys vedomstvosy qurǵan «Pentagondy buzyp ash» (Hack the Pentagon) atty baǵdarlamasynyń qatysýshylaryn tirkeý bastaldy, dep habarlaıdy Bı-bı-sı.
Pentagonnyń resmı ókili Pıter Kýktyń habarlaýynsha, AQSh Qorǵanys mınıstrliginiń bastamasymen qurylǵan baǵdarlamanyń maqsaty - hakerlerdi onyń kompıýterlik jelileri qorǵanysynyń osal tustaryn anyqtaýǵa tartý.
Baǵdarlamanyń qatysýshylary 18 sáýirde jumysqa kirisedi. Olar 12 mamyrǵa deıin Pentagonnyń kompıýterlik jelileriniń álsiz tustaryn izdeıdi. Baǵdarlamaǵa tek lańkestik jáne basqa qylmystar boıynsha kúdikti emes AQSh azamattary ǵana qatysa alady.
Vedomstvoda atap ótilgendeı, hakerler Pentagon úshin erekshe mańyzdy kompıýterlik júıelermen jumys istemeıdi.
Ótken jyly vedomstvonyń kompıýterlik jelilerin hakerler talaı ret buzyp ashqan. Osylaısha, ótken jyldyń sáýirinde AQSh-tyń Qorǵanys mınıstri Eshton Karter reseılik qaskúnemderdiń onyń vedomstvosynyń qupııalanbaǵan jelisine kirip ketkenin habarlady.
2015 jyldyń 5 maýsymynda AQSh-tyń federaldyq vedomstvolary kıbershabýylǵa ushyraǵany belgili boldy: hakerler birneshe mıllıondaǵan memlekettik qyzmetkerdiń derbes málimetterine qol jetkizdi.
