Pentagon ǵımaratynyń janynda oryn alǵan atys-shabystan 3 adam zardap shekti
ASTANA. Naýryzdyń 5-i. QazAqparat - Vashıngtonda Pentagon ǵımaratynyń mańynda atys boldy.
Oqıǵa AQSh Qorǵanys mınıstrligi keshenine jaqyn jerdegi metro stansysyna kireberiste oryn aldy, dep habarlaıdy RBK agenttigi.
3 adam zardap shegip otyr. Onyń ekeýi - qorǵanys vedomstvosynyń eki kúzetshisi, al úshinshi zardap shegýshi - atysty uıymdastyrǵan adamnyń ózi. Qazir olardyń bári aýrýhanaǵa jatqyzyldy, ómirlerine eshqandaı qaýip joq.
Oqıǵanyń sebebi týraly ázirge eshteńe aıtylmaı otyr. Quqyq qorǵaý organdary keleńsiz jaǵdaıdyń mán-jaıyn tekserýde.
