Pentagon basshysy R. Geıts naýryzda Reseıge barmaqshy
ASTANA. 23 aqpan. QazAqparat - Reseı men AQSh-tyń áskerıleri bir-birimen tek ózderiniń ǵana tynyshtyǵyn emes, basqa da halyqtardyń beıbit ómiriniń buzylmaýy jóninde máselelerdi jıi talqylaıtyn boldy.
Búgin Otan qorǵaýshylar kúni Vashıngtondaǵy Reseı elshiliginiń Altyn sherý zalynda jınalǵan qonaqtardyń aldynda elshi Sergeı Kıslıak Reseı men Amerıkanyń bul taqyryptaǵy áskerı dıalogteri - bir-birin túsinetin tereń dostyq jaǵdaıynda eki eldiń tutas múddesimen úndes óriletindigin jetkizdi, dep habarlady RBK.
Áskerı-saıası dıalogtiń osyndaı bir kezegi ótken aptada jalǵasqandyǵyn eske sala ketti. Vashıngtonda quramynda yntymaqtastyq jónindegi ekijaqty prezıdenttik komıssııasy bar ǵalamdyq jáne aımaqtyq qaýipsizdik shaǵyn tobynyń alǵashqy otyrysy ótti. Taraptar delegatsııasyn AQSh qorǵanys mınıstriniń kómekshisi Aleksandr Vershboý men RF Qorǵanys mınıstrligi halyqaralyq áskerı yntymaqtastyq bas basqarmasynyń bastyǵy Elena Knıazeva basqardy.
Osy jyldyń naýryz aıynda Pentagon basshysy Robert Geıts Reseıge barady dep josparlanyp otyr.
