Pentagon basshysy Ońtústik Koreıa men Soltústik Koreıa shekarasyna bardy
ASTANA. KAZINFORM — Ońtústik Koreıa men AQSh qorǵanys mınıstrleri An Gıý Bak pen Pıt Hegset odaqtastardyń Soltústik Koreıamen dıplomatııalyq qarym-qatynasty qalpyna keltirýge tyrysýyna baılanysty dúısenbide eki Koreıany bólip turǵan demılıtarızatsııalanǵan aımaqqa bardy, dep habarlaıdy Yonhap.
Qorǵanys vedomstvolarynyń basshylary Áskerı demarkatsııa syzyǵynyń janynda ornalasqan BUU qolbasshylyǵynyń áskerı nysany Ýellettegi baqylaý beketine jáne DMA ishindegi Birlesken qaýipsizdik aımaǵyna bardy. Bul eki eldiń qorǵanys mınıstrleriniń 2017 jyldyń qazan aıynan beri býferlik aımaqqa alǵashqy birlesken sapary boldy.
Uzaqtyǵy 250 shaqyrym jáne eni tórt shaqyrym bolatyn demılıtarızatsııalanǵan aımaq — eki Koreıa arasyndaǵy býferlik aımaq.
Sapardan keıin Ońtústik Koreıanyń qorǵanys vedomstvosynyń basshysy odaqtastardyń qorǵanys vedomstvolary basshylarynyń Ońtústik Koreıanyń Birlesken basqarmasyna sapary olardyń odaǵy úshin «sımvoldyq» mańyzǵa ıe ekenin, óıtkeni bul jer koreıaaralyq qatynastardyń aldyńǵy qatarynda ornalasqanyn aıtty.
DMA-ǵa sapar Hegsettiń Koreıaǵa eki kúndik saparyn bastaǵan Seýlden shamamen 65 shaqyrym ońtústikke qaraı ornalasqan Phenthektegi Osan áýe bazasyna qonǵannan keıin shamamen bir saǵattan soń boldy.
Seısenbide An men Hegset odaqtastardyń jyl saıynǵy qorǵanys kelissózine, ıaǵnı Qaýipsizdik boıynsha konsýltatıvtik kezdesýge (SCM). qatysady.
SCM kezinde eki tarap odaqtyń birqatar mańyzdy máseleni, sonyń ishinde soǵys ýaqytyndaǵy jedel basqarýdy (OPCON) Vashıngtonnan Seýlge aýystyrýdy, Ońtústik Koreıanyń qorǵanys shyǵyndaryn jáne odaqtyń biryńǵaı qorǵanys ustanymyn talqylaıdy dep kútilip otyr.
Hegset sondaı-aq seısenbide AQSh-tyń sheteldegi eń iri áskerı bazasy Phenthektegi Hamfrıs lagerinde prezıdent Lı Chje Menmen jáne amerıkalyq áskerı qyzmetshilermen kezdesip, olarǵa jáne otbasylaryna alǵys aıtýdy josparlap otyr.
Koreıa — Hegsettiń Azııadaǵy týrynyń sońǵy kezeńi, oǵan Gavaıı, Japonııa, Malaızııa jáne Vetnamda aıaldamalar kirdi.
Eske sala ketsek, 29 qazanda Ońtústik Koreıa prezıdenti Lı Chje Men AQSh prezıdenti Donald Trampqa amerıkalyq kóshbasshynyń memlekettik saparynyń qurmetine ejelgi altyn tájdiń kóshirmesin jáne eń joǵary memlekettik marapatty tabys etti.