Pentagon aýǵan naýqany týraly memýarlyq kitaptardy órtedi
ASTANA. Qyrkúıektiń 27-si. QazAqparat - AQSh armııasynyń podpolkovnıgi Entonı Sheffer kitabynyń 9500 danasy órtep jiberildi, sebebi ol estelik kitaptyń mazmuny ulttyq qaýipsizdikke qater tóndiretin kórinedi,
dep habarlady jeksenbi kúni FOX News telearnasy Pentagondaǵy derek kózderge silteme jasap.
Shefferdiń «Qara júrek» operatsııasy» (Operation Dark Heart) kitaby Aýǵanstanda astyrtyn jasalǵan operatsııalar men aýǵan naýqanynyń shıelenisti tustaryna, sondaı-aq «Yqtımal qaýip» jobasyna (Able Danger) arnalǵan.
AQSh Qorǵanys mınıstrliginiń Barlaý basqarmasynyń pikiri boıynsha, atap aıtqanda, 2001 jyldyń qyrkúıek aıynyń 11-indegi lańkestikti uıymdastyrýshy Mohammed Atte týraly AQSh arnaıy qyzmetteriniń 2000 jyly bilgeni týraly málimetter ulttyq qaýipsizdikke qater tóndiretin kórinedi.
FOX News telearnasynyń qolyna túsken Barlaý basqarmasynyń bastyǵy Ronald Berdjesstiń hatynda sondaı-aq, kitapta basqa da qupııa derekterdiń bar ekendigi aıtylǵan.
