Pentagon amerıkalyq sarbazdar úshin «bárin kóretin» lınzalarǵa tapsyrys berdi
ASTANA. 17 sáýir. QazAqparat - AQSh Qorǵanys mınıstrligi iOptik júıesiniń tolyqtyrylǵan túptulǵasyna tapsyrys berdi, ol - kórý qashyqtyǵyn keńeıtetin qos fokýsti túıisken lınzalar.
Innovega kompanııasy daıyndaǵan júıe ony taǵýshy adamǵa óziniń qasyndaǵy jáne onymen bir ýaqytta vırtýaldy dıspleıde birneshe shaqyrym aralyǵyndaǵy bolyp jatqan jaǵdaılardy kórýge múmkindik beredi.
Qurylǵy arnaıy úlkeıtip kórsetetin kózildiriktermen birge qoldanylady. Bul týraly ITAR-TASS -qa silteme jasaı otyryp Birinshi arna Eýrazııa habarlaıdy. Ázirleýshilerdiń oıynsha, atalǵan tehnologııa áskerı jaǵdaılarda sarbazdardyń tez aqparat alýlaryna járdemdesedi.
Lınzalar ony taǵýshyǵa bir mezgilde birden eki nysanaǵa nazar aýdarýǵa múmkindik beredi, kózildiriktiń shynysyna kelip túsken aqparat alystaǵy nysanany kórýge kedergi keltirmeıdi. Mundaı nátıjege eki túrli fıltrdiń kómegimen qol jetkiziledi, árbir lınzanyń ortalyq bóligi jaryqty aqparat ekranynan qarashyqtyń ortasyna baǵyttaıdy, bul kezde shettegi bólik jaryqty qarashyqtyń sheńberine jiberedi.
Shtab-páteri Vashıngtonda ornalasqan Innovega lınzalarynyń fýnktsıonaldy túptulǵasyn tolyqtaı jasaý týraly kelisimshartqa AQSh Qorǵanys mınıstrliginiń Bolashaq zertteýler basqarmasy osy aptada qol qoıdy. Qazirgi ýaqytta lınzalar AQSh-ta áskerı emes jaǵdaılarda qoldaný boıynsha synaqtan ótkizilýde.
