Pentagon AQSh esirtki tasymaldaýshy degen kúdikpen atqylaǵan kemelerge qatysty jáıtterdi tekserip jatyr
ASTANA. KAZINFORM — AQSh Qorǵanys mınıstrliginiń bas ınspektory amerıkalyq áskerı kúshterdiń Ońtústik qolbasshylyǵynyń esirtki kontrabandasyna qarsy operatsııalaryna baılanysty tergeý bastalǵanyn málimdedi. Bul týraly Kazinform agenttiginiń Vashıngtondaǵy menshikti tilshisi NBC News-ke silteme jasap habarlady.
Pentagon málimetinshe, ótken jyldyń kúzinen beri Ońtústik qolbasshylyq Karıb teńizi men Tynyq muhıty arqyly esirtki tasymaldady degen kúdikke ilingen 59 kemeni joıǵan.
Osy operatsııalar kezinde 193 adam qaza tapqan.
Pentagonnyń ishki baqylaý qyzmeti soqqy jasaý kezinde paıdalanylǵan barlaý málimetteri men nysanalardy anyqtaý tásilderin tekseredi.
Sondaı-aq esirtki kartelderine qarsy júrgizilgen operatsııalardyń ózge de qyrlary zertteledi.
Amerıkalyq sheneýniktiń aıtýynsha, tergeýdiń qansha ýaqytqa sozylatyny ázirge belgisiz.
Tekserý jumystary Pentagonda jáne Maıamıdegi Ońtústik qolbasshylyqtyń shtab-páterinde júrgiziledi.
AQSh Kongresindegi kóptegen zań shyǵarýshy, onyń ishinde birqatar respýblıkashyl saıasatker bul operatsııalardy synǵa alyp otyr.
Olar atalǵan áreketterdiń zańdylyǵyna kúmán keltirip, baqylaýdy kúsheıtýdi talap etýde.
Pentagon deregine sáıkes, mamyr aıynda Ońtústik qolbasshylyq úsh operatsııa júrgizgen.
Osyǵan deıin Pentagonnyń ataýyn ózgertý 2 mlrd dollar shyǵynǵa túsýi múmkin ekeni týraly jazdyq.
