Pentagon AQSh-qa qater tóngen jaǵdaıda KHDR-ǵa áskerı jaýap qaıtarylatyndyǵyna ýáde berdi
ASTANA. QazAqparat - Vashıngton AQSh-qa, onyń aýmaǵy men odaqtastary terrıtorııasyna KHDR tarapynan qaýip-qater tóngen jaǵdaıda, «aýqymdy áskerı jaýap» qaıtarýǵa nıetti, dep málim etti Pentagon basshysy Djeıms Mettıs.
Jeksenbi kúni AQSh prezıdenti Donald Tramp óziniń ákimshiligi múshelerimen jınalys barysynda jaqynda ǵana ıadrolyq qarý synaǵyn ótkizgen Soltústik Koreıa áreketterine jaýap retindegi áskerı daıyndyqtarmen tanysty.
«Gýam nemese bizdiń odaqtastarymyzdyń terrıtorııasyn qosqanda, AQSh-qa jáne onyń aýmaǵyna jasalatyn kez kelgen qaýip-qaterge aýyr ári olardyń ózinen asyp túsetin áskerı jaýap qaıtarylatyn bolady», - dedi Mettıs.
Mettıstiń aıtýynsha, AQSh múmkindigi bola tura, KHDR-dy tolyqtaı joıyp jiberýge nıetti emes.
Jýrnalısterdiń AQSh Soltústik Koreıaǵa shabýyl jasaýdy josparlaı ma degen saýalyna Donald Tramp «kóremiz» dep jaýap bergen bolatyn.
Buǵan deıin KHDR qurlyqaralyq ballıstıkalyq zymyrandardy jabdyqtaýǵa arnalǵan sýtekti soǵys quraldaryndaǵy jarylǵysh zattar synaǵynyń sátti aıaqtalǵanyn málimdegen.
