Pentagon 2016 jyly áskerı barlaýǵa ketken shyǵyndy jarııalady
ASTANA. QazAqparat - AQSh Qorǵanys mınıstrligi 30 qyrkúıekte aıaqtalǵan 2016 qarjy jylyndaǵy áskerı barlaý baǵdarlamasynyń bıýdjeti týraly aqparatty jarııa etti.
Áskerı barlaýǵa ketken jalpy shyǵyn $17,7 mlrd. qurady. Bul týraly áskerı vedomstvo saıtynda jarııalanǵan habarlamada aıtyldy, dep habarlady RBK.
Pentagonda bul málimetterdi jarııalaý áskerı barlaý aıasynda kez-kelgen qupııa áreketterge qaýipsiz dep sheshti. Habarlamada ulttyq qaýipsizdik maqsatynda áskerı barlaýdy qarjylandyrýdyń ózge aqparaty jarııalanbaıtyny aıtyldy.
2010 jylmen salystyrǵanda 2014 jyly azamattyq jáne áskerı barlaý operatsııalaryna qatysty AQSh-tyń jalpy bıýdjeti 15% qysqardy. Ol kezde amerıkandyq barlaý bıýdjeti $67,9 mlrd. quraǵan.
