Penıtentsııarlyq júıede sottalýshylardy jańa kásipterge oqytý júrgizilýde
ASTANA. 15 aqpan. QazAqparat /Ǵalymjan Hasenov/ - Prezıdenttiń Qazaqstan halqyna arnaǵan Joldaýyn júzege asyrý aıasynda penıtentsııarlyq júıede sottalýshylardy jańa kásipterge beıimdeý,
sondaı-aq qosymsha jumys oryndaryn ashý júrgizilýde. Bul týraly Qylmystyq atqarý júıe komıtetindegi sottalýshylardyń eńbek bólimi habarlady.
Bólim bastyǵy Baqytjan Bazarbaevtyń aıtýynsha, qazirgi tańda respýblıkamyzdyń 49 túzetý mekemelerinde 32 mamandyq boıynsha tegin kásibı bilim berý uıymdastyrylǵan, sol arqyly jazasyn óteýshiler tek qylmystyq atqarý júıesi kásiporyndarynda ǵana emes, erkindikke shyqqan soń da jumys isteı alady.
Eńbek naryǵyna júrgizilgen saraptama men zertteý qorytyndysy boıynsha qazirgi tizim segiz mamandyqqa keńeıtilgen.
«Halyqty jumyspen qamtý máselesine toqtalatyn bolsaq, qazirgi tańda jazasyn óteýshiler úshin de qosymsha jumys oryndary ashylýda», - dep atap ótti B.Bazarbaev.
