Penchak Sılat qaýymdastyǵynyń ókilderi #BizBirgemiz chellendjine qatysty

NUR-SULTAN. QazAqparat –Qazaqstan Respýblıkasynyń Penchak Sılat qaýymdastyǵy #BizBirgemiz chellendjine qoldaý bildirdi, dep habarlaıdy QazAqparat.

QR Penchak Sılat qaýymdastyǵynyń ókilderi 25, 26 qańtarda Nur-Sultan, Aqtóbe, Qaraǵandy, Qostanaı qalalaryndaǵy qardy tazalaý jumystaryna kómektesip, respýblıka boıynsha bastalǵan chellendjdi qoldady.

Eske salsaq, buǵan deıin biz elordada «Biz birgemiz» chellendji bastalǵanyn habarlaǵan bolatynbyz.

Jastar turǵyndardy aýlasyndaǵy qardy tazalap, ony beınejazbaǵa jazyp, #Bizbirgemiz heshtegimen áleýmettik jelige salýǵa shaqyrady.

Sondaı-aq, Memleket basshysy Qasym-Jomart Toqaev tanymal ázilkesh Tursynbek Qabatovtyń bastamasyna qoldaý bildirdi.

«Belgili artıst Tursynbek Qabatovtyń astanamyzdyń aýlalaryn qardan tazartyp, #BizBirgemiz heshtegimen vıdeo jarııalaý týraly usynysyn qoldaımyn. Volonter jylyna saı bastama», - dep jazdy Qasym-Jomart Toqaev.