Peleniń jaǵdaıy kúrt nasharlap, aýrýhanaǵa jatqyzyldy
ASTANA. QazAqparat - Brazılııa quramasymen birge álemniń úsh dúrkin chempıony atanǵan Peleniń jaǵdaıy kúrt nasharlap, aýrýhanaǵa jatqyzyldy, dep habarlaıdy «QazAqparat» HAA Fýtbol jýrnalısteri qaýymdastyǵyna (FWA) silteme jasap.
Beısenbi kúni talyp qalǵan 77 jastaǵy Pele Brazılııa aýrýhanalarynyń birine jatqyzylyp, odan birqatar test alyndy. Qazir Fýtbol koroliniń ahýaly turaqty, dárigerler onyń jaǵdaıyn jiti baqylap otyr.
FWA atqarýshy hatshysy Pol Makkartıdiń aıtýynsha, aldaǵy senbi kúni Londonda Peleniń qatysýymen ótýi tıis sharaǵa bara almaýy múmkin.
Pele - tarıhta úsh dúrkin álem chempıony atanǵan jalǵyz fýtbolshy. FIFA HH ǵasyrdyń úzdik fýtbolshysy dep moıyndap, Halyqaralyq Olımpıadalyq Komıtet ǵasyr sportshysy ataǵyn bergen.
