Peleniń esimi «erekshe» maǵynasyn bildiretin uǵym retinde sózdikke enedi

ASTANA. QazAqparat – Fýtboldan úsh dúrkin álem chempıony Edson Arantıs dý Nasımentýdiń (Pele) esimi portýgal tilindegi Michaelis sózdiginiń tsıfrlyq nusqasyna engizildi, dep habarlaıdy QazAqparat tilshisi.

Agencia Brasil málim etkendeı, bolashaqta fýtbol koroliniń esimi sózdiktiń baspa nusqasyna da engiziledi.

«Pelé» termınin «erekshe», «biregeı» sózderiniń sınonımi retinde qoldanýǵa bolady.

«Pelé» sózine mynadaı anyqtama berýge bolady: barlyq ýaqyttaǵy eń úzdik sportshy Peleden (Edson Arantıs dý Nasımentý (1940-2022) basqa eshkim teń kelmeıtin, ataqty, erekshe, biregeı.

Sózdikte sondaı-aq pelé sóziniń portýgal tilindegi úlgileri keltiriledi. Mysaly, ol – basketboldaǵy Pele, ol – tennıstegi Pele, ol – medıtsınadaǵy Pele.

Peleni portýgal tilindegi sózdikke engizý jónindegi bastamany 125 myńnan astam adam qoldap, 2023 jylǵy Sports Summit São Paulo – Latyn Amerıkasyndaǵy iri sporttyq is-shara kezinde tanystyrylǵan.

Michaelis — brazılııalyq Melhoramentos baspasynyń portýgal tilindegi sózdigi.

Alǵashqy sózdikti HІH ǵasyrdyń aıaǵynda nemis leksıkografy Genrıetta Mıhaelıs óziniń sińlisi, fılolog Karolına Mıhaelıs de Vaskonselospen birge qurastyrǵan.

Eske sala keteıik, budan buryn «Manchester Sıtı» shabýylshysy Aǵylshyn lıgasynda rekord ornatqanyn jazǵan bolatynbyz.

Sondaı-aq birinshi lıgada «Aqjaıyq» Astanada «Jeńisten» jeńilip qaldy.