Pele Brazılııada fýtboldan álem chempıonatynyń ótpeýi múmkin ekendigin eskertti
ASTANA. QazAqparat - Áıgili brazılııalyq fýtbolshy Pele Brazılııada bolyp jatqan qarsylyq aktsııalary fýtboldan álem chempıonatyn ótkizýge kedergi bolady degen kúdigin bildirdi.
Sondaı-aq ol narazylyq bildirýshilerdiń kóptegen talaptarymen kelisetinin de málimdedi. Biraq Peleniń aıtýynsha, olardy qazir emes, Brazılııa 2014 jylǵy álem chempıonatyn ótkizý quqyǵyna ıe bolǵan kezde kóterý kerek edi.
Búkil el boıynsha sherýge shyǵýshylar áleýmettik qajettilikter men baspanaǵa qajetti shyǵyndy ulǵaıtýdy talap etip otyr. Olar bıliktiń chempıonatty ótkizýge mıllıardtaǵan dollar jumsaǵanyna narazy.
Sonymen birge, burynǵy fýtbolshy týrnırdiń bastalýyna nebári bir aıdan az ǵana ýaqyt qalǵanymen birneshe stadıonnyń áli de daıyn emestigine alańdaýshylyǵyn bildirdi.
