Pele barlyq marapatyn 4,4 mıllıon eýroǵa satty
ASTANA. QazAqparat - Halyqaralyq fýtbol federatsııasynyń (FIFA) nusqasy boıynsha HH ǵasyrdyń úzdik oıynshysy brazılııalyq Pele aýktsıonda marapattaryn 4,4 mıllıon eýroǵa satty.
Bul týraly Sky News habarlady.
Shara 7 jáne 9 maýsym aralyǵynda Londonda ótti. Fýtbol koroli óziniń medaldaryn, kýboktaryn, jeke syılyqtaryn - barlyǵy eki myńǵa jýyq zatty saýdaǵa qoıdy. Eń qymbaty brazılııalyqqa arnap daıyndaǵan Jıýl Rıme kýboginiń kóshirmesi boldy. Shveıtsarııalyq saǵattar kompanııasynyń biri jádigerdi 500 myń eýroǵa satyp aldy. 1974 jylǵa deıin marapat álem chempıonatynda jeńiske jetken komandaǵa berilgen.
