Pele aýrýhanadan shyqty
NUR-SULTAN. QazAqparat – Fýtboldan álemniń úsh dúrkin chempıony, brazılııalyq Pele toqishektegi isikti aldyrtý otasynan keıin em qabyldaǵan aýrýhanadan shyqty. Bul týraly QazAqparat Reuters agenttigine silteme jasap habarlaıdy.
Qyrkúıekte Pelege toqisheginen isikti aldyrtý otasy jasaldy. 8 jeltoqsanda ol em qabyldaý úshin josparly túrde aýrýhanaǵa jatqyzylǵan.
«Patsıenttiń jaǵdaıy turaqty. Ol qyrkúıekte anyqtalǵan toqishek isigin emdeýin jalǵastyrady», - delingen aýrýhana málimdemesinde.
Pele – álemniń fýtboldan jalǵyz úsh dúrkin chempıony (1958, 1962, 1970). Ol Brazılııa quramasynyń quramynda 92 match ótkizip, 77 ret gol soqqan. Pele Halyqaralyq fýtbol federatsııasynyń nusqasy boıynsha HH ǵasyrdyń úzdik fýtbolshysy tanyldy. Forvard brazılııalyq «Santos» (1956-1974) jáne amerıkandyq ı amerıkandyq «Nıý-Iork Kosmos» (1975-1977) úshin oınaǵan. Sporttyq jolynda qaqpaǵa 1279 ret dop kirgizgen Peleniń esimi Gınnestiń rekordtar kitabyna engizilgen.
