Pele álem chempıonattarynan jeńip alǵan úsh altyn medalin bássaýdaǵa qoıdy
ASTANA. QazAqparat - Brazılııa quramasy quramynda júrip álemniń úsh dúrkin chempıony atanǵan áıgili fýtbolshy Pele eki myńǵa jýyq jeke zatyn aýktsıonǵa qoıdy. Bul týraly Reuterske silteme jasap "R-Sport" habarlady.
Aýktsıon lottarynyń ishinde - álem chempıonattarynyń úsh altyn medali jáne Jıýl Rıme syılyǵynyń kóshirmesi bar. Sondaı-aq Peleniń jasóspirim kezinde shulyqtardy orap jasap alǵan fýtbol doby da satylady.
"Jankúıerlerim men kollektsııa jınaýshylarda da meniń tarıhymnyń bólshegi bolsyn dep sheshtim. Olar bul artefakttardy baǵalap, meniń tarıhymdy balalarymen jáne bolashaq urpaqtarymen bólisedi dep úmittenemin", - dedi Pele.
Aýktsıon 7 jáne 9 maýsym aralyǵynda Londonda ótedi. Alynǵan qarajattyń bir bóligi brazılııalyq Kýrıtıba qalasyndaǵy balalar aýrýhanasyna beriledi.
Jıýl Rıme syılyǵynyń kóshirmesi 400 myń dollardan bir mıllıonǵa, álem chempıonattarynyń úsh altyn medali 200 myń dollarǵa, al Pele soqqan 1000-shy goldyń doby 40-60 myń dollarǵa satylady dep kútilýde, dep habarlady Vesti.kz.
