Pedofıldiń qurbany bolǵan bes jasar qyz emhanadan shyǵaryldy
QARAǴANDY. QazAqparat - Sátpaev qalasynda pedofılden zorlyq kórgen bes jasar qyzǵa birneshe operatsııa jasalǵannan keıin, ol úıine shyǵaryldy, dep habarlaıdy QazAqparat tilshisi.
«Oblystyq emhananyń dárigerlerine alǵys aıtamyn. Olar qoldan kelgenniń barlyǵyn jasady», - dedi Qaraǵandy oblysy boıynsha «Atameken» isker áıelder keńesiniń tóraǵasy Álııa Sadyrbaeva.
Qyzdy týǵan qalasy Sátpaevqa alyp ketti. Oǵan ol jaqta kásibı psıhologtar kómek berýdi jalǵastyrady.
Aıta keteıik, 23 shilde kúni 40 jastaǵy Sátbaev turǵyny 5 jastaǵy qyzynyń joǵalyp ketkeni týraly habarlaǵan bolatyn. Sol kúni polıtsııa qyzmetkerleri 50 jastaǵy jergilikti turǵyndy ustady, onyń jatyn bólmesinen 5 jastaǵy búldirshin tabyldy. Tergeý barysynda pedofıl búldirshin qyzǵa zorlyq kórsetý úshin ony aldaǵanyn moıyndady. Ol óz kinásin moıyndaǵannan keıin tergeýshi qujattaryn alyp kabınetten shyǵyp ketedi.
Sol kezde bólmede kúdiktimen birge qalǵan serjant laýazymyndaǵy qaraýyldardyń biri ózin ustaı almaı kúdiktini soqqyǵa jyqqan.
