Pedofılderge qatysty hımııalyq jáne hırýrgııalyq kastratsııa mindetti bolýy kerek – Ashat Aımaǵambetov

ASTANA. QazAqparat – Májilis depýtaty Ashat Aımaǵambetov pedofılderge qatysty jazany kúsheıtý kerek ekenin aıtty, dep habarlaıdy QazAqparat tilshisi.

«Pedofılderdi kem degende ómir boıy qamaýda ustaý kerek. Ekinshiden, olarǵa qatysty tek hımııalyq emes, hýrýrgııalyq kostratsııany da engizý qajet», - dedi A. Aımaǵambetov Májilistiń jalpy otyrysynan keıin tilshiler suraǵyna jaýap bere otyryp.

Onyń aıtýynsha, 10-15 jyl buryn sottalǵan pedofılder qazir bostandyqqa shyǵýy múmkin.

«Bul adamdar hımııalyq kastratsııa saldarynan aǵzasyndaǵy baýyry nemese basqa da múshelerine zııany tıedi dep aıtýy múmkin. Bizdiń oıymyzsha, hımııalyq jáne hırýrgııalyq kastratsııa mindetti bolýy kerek», - dedi depýtat.