Pedofılderge hırýrgııalyq kastratsııa jasalýy múmkin be
ASTANA. KAZINFORM – Búgin Májilistiń jalpy otyrysynda depýtat Elnur Beısenbaev pedofılderge qatysty jazany kúsheıtýdi taǵy da talap etip, bul qylmysqa qatystylarǵa hırýrgııalyq kastratsııa jasaý kerek ekenin aıtty.
Atap aıtqanda, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zań jobasy men ilispe qujat birinshi oqylymda qaraldy. Jańa zań jobasynda pedofılııa úshin ómir boıyna bas bostandyǵynan aıyrý jazasy eskerilgen.
E. Beısenbaev pedofılderge hırýrgııalyq kastratsııa týraly usynysyn jetkizdi. Depýtattyń paıymynsha, osy normaǵa qatysty Úkimet naqty ustanymyn tanytpady jáne bul túzetýdi qoldamady.
«Zań jobasyn ekinshi oqylymǵa deıin daıyndaý kezinde pedofılderge hırýrgııalyq kastratsııa boıynsha Úkimet óziniń túzetýin qaıta qarastyrýǵa daıyn ba?», - dep surady E. Beısenbaev.
Óz kezeginde Іshki ister mınıstriniń orynbasary Igor Lepeha endi pedofılderge ómir boıyna bas bostandyǵynan aıyrý jazasy qoldanylatynyn atap ótti.
«Endi pedofılderge qatysty ómir boıyna bas bostandyǵynan aıyrý jazasy naqty qoldanylady. ıAǵnı, eger ol ómir boıyna bas bostandyǵynan aıyrylsa, hırýrgııalyq kastratsııaǵa jasaýdyń qajeti bar ma? Ekinshiden, azaptaýǵa qarsy konventsııaǵa Qazaqstan qosylǵan. Bul turǵyda suraqty Іshki ister mınıstrligine emes, Ádilet mınıstrligi men Bas prokýratýraǵa baǵyttaǵan durys bolady. Úshinshiden, osy medıtsınalyq suraqqa Densaýlyq saqtaý mınıstrligi jaýap bergeni jón bolar, ıaǵnı kastratsııany kim júzege asyrady jáne ony qalaı atqarady? Jalpy, men Úkimet úshin jaýap bere almaımyn. Biraq túzetýdi qazir joldasańyzdar, biz ony barlyq organdardyń qatysýymen talqylaımyz», - dedi Igor Lepeha.
