Pedofılderge hımııalyq kastratsııa jasaý engiziledi
ASTANA. QazAqparat - Pedofılderge hımııalyq kastratsııa jasaý engiziledi. Búgin QR Parlamenti Senatynyń jalpy otyrysynda senator Birǵanym Áıtimova málim etti. Jalpy otyrysta «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý máseleleri boıynsha ózgerister men tolyqtyrýlar engizý týraly» QR Zańy qabyldandy.
Aıta keterligi, zań jobasynda jetim jáne ata-ana qamqorlyǵynsyz qalǵan balalardyń respýblıkalyq derekter bazasyn jasaý qamtamsyz etiledi. Sonymen birge, balalar úıinde tárbıelenetin sábıler men jasóspirimder sanyn azaıtý maqsatynda «qonaq otbasy» tetigi engizilmek. Zań jobasy arqyly aýyr qylmystar úshin sottalǵandarǵa, ótelmegen sottalǵandyǵy bar adamdardyń balalardy asyrap alýyna tyıym salynady.
«Hımııalyq kastratsııa bul - ýaqytsha shara, bul bir rettik ınektsııa bolady. ıAǵnı, ınektsııa jasalǵanan keıin ol ómir boıy osyndaı bolyp qalmaıdy. Inektsııa sot jáne medıtsınalyq uıym sheshimi shyqqannan keıin jasalady. Osylaısha, bir balanyń bolsa da ómirin qorǵap qalsaq, bul durys sheshim dep oılaımyn», - dedi senator Birǵanym Áıtimova.
Parlament qabyldaǵan zań Memleket basshysynyń qol qoıýyna joldanady.
