Pedofılderge hımııalyq kastratsııa qalaı jasalady- prokýratýra jaýaby
ASTANA. QazAqparat - Búgin Bas prokýratýrada ótken jıynda hımııalyq kastratsııalaýdy júrgizý máselesi qaraldy, dep habarlaıdy QazAqparat vedomstvanyń baspasóz qyzmetine silteme jasap.
Jıynda hımııalyq kastratsııalaýdy júrgizý týraly zańnamalyq tolyqtyrýlardyń qoldaný jáne qylmystyq-atqarý júıesi men densaýlyq saqtaý qyzmetteriniń atalǵan protsedýrany júrgizýge ázirliginiń jaı-kúıi talqylandy.
«Hımııalyq kastratsııalaý tek sottyń úkimimen sot-psıhıatrııalyq saraptamanyń qortyndysy boıynsha kámeletke tolmaǵandardyń jynystyq tıispeýshiligine qarsy qylmystaryna beıim dep tanylǵan tulǵalarǵa ǵana qoldanylatyn bolady.
Androgendi dári ınektsııalary bas bostandyǵyn aıyrylǵan azamattarǵa jazasyn óteý mekemelerinde, al ózge jaza túrlerine sottalǵandarǵa - densaýlyq saqtaý mekemelerinde júzege asyrylatyn bolady», - delingen baspasóz baıanynda.
Memlekettik organdar ókilderi hımııalyq kastartsııalaý protsedýralaryn júzege asyrýǵa daıyn ekenindigin málimdedi.
Eske sala keteıik, 2018 jyldyń 1 qańtarynan bastap «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý máseleleri boıynsha ózgerister men tolyqtyrýlar engizý týraly» Zańy kúshine engen bolatyn.
